減價緊
減價緊

悅和醬園 香滑蝦醬 210ml


悦和醬園」成立於1945年,是香港唯一自設蒸酒廠的醬園 ,以堅持香港製造及採用傳統古法天然生曬方法釀造醬油為宗旨,同時亦取得「ISO」及「HACCP」等品質認證,展現其傳統與現代化相融和的特色。

悅和醬油在市面出售的蝦醬有兩款,而當初為何會出現兩款不同的蝦醬呢?
是為了魚目混珠?當然不是!一切就要回到8年前,即2012年12月31日,當日於立法會通過了一條香港水域內禁示拖網捕魚,為了保護美好的香港水域,這條法例當然很好,而然就產生了無限的後續...
悦和多年都有自家生產蝦醬,更加係香港第一個拎到有ISO及HACCP認證的蝦醬生產商,而當年此例一出,表示再無法於香港買到蝦醬最重要的原料銀蝦,而當年仲係無乜人識既我地,為左可以持續供貨比部分食肆客戶,自然要另覓貨源,因此出現了今時今日仍有售賣的國產蝦醬。
而當年最後做好的一批蝦醬就一直經歷日曬直至這去年,我地決定將這些差不多10年陳的香港最後蝦醬拎出黎賣埋佢,不過因為數量不多既關係,加上成本關係我地無為佢額外印一張新的招紙,所以兩款蝦醬的招紙是一樣的,也印有中國製造,而最大的分別就是金色蓋和蓋上貼著的香港製造標記。

解說就到此,再講就要講關於我地香港呢個地方既事,最近幾年眼見香港製造愈來愈備受關注,老實說是開心的,因為呢個風潮證明左創辦人多年堅持香港製造係一個明智既決定,亦都係係啟發左豉油佬想番黎為大家守住傳統工業既原因,奈何香港經過多年既發展,土地愈來愈貴,人工愈來愈高,但醬料可以降低幾錢?我地不斷盡力保持眼前能做好的酒醋醬料,但有一些市場上有需求的產品,實際在香港這個地方的成本已經負擔不起,才被迫著要伸手外購,這個亦是發達城市所換來的犧牲。悦和雖然有七十多年歷史,但我也自知開始有比較多人認識都是近幾個月或者今日既事,仲有幾多本地品牌係呢個歷史洪流入面無聲無息地消失左?有幾多仍然在掙扎求存?香港人,呢個城市到底仲可以做到幾多?你對自己呢個住左十年二十年甚至大半生人既家,到底認識有幾深?

 

成份: 鮮蝦、鹽、酒

包裝規格: 210ml

香港製造

  • $55.00
- 0%