叁拾士多 30 Store 邪教牛肉球 (連中式喼汁) 220g
由叁拾士多賣燒賣開始，都一直問我地有無蝦餃、牛肉球。我知出面急凍點心都有好多同類產品，但以腦細嘅脾性，自自然然就係想做個特別嘅，唔想事事但但問你拎錢再塞飽你個胃就算，一推再推，咁就幾年….
今次加速牛肉球開發進度，主要都係因為消委會早前所講，坊間好多牛丸都唔係100%牛肉，甚至超過一半以上都係其他雜肉。
有次叁拾士多腦細跟飲食界老一輩講起呢個話題，原來連酒樓點心嘅「牛肉球」都係咁。
腦細終於決定做一個截然不同，百份百靚料點心牛肉球。各位朋友，「邪教牛肉球」登場！
「邪教牛肉球」跟坊間「鬆泡泡」嘅點心牛肉球口感截然不同。採用100%牛肉，不含雜肉，精選「騸牯牛尾龍」，「安格斯牛小排」及牛油打造，保證不含其他肉類成份，做出來牛味更濃，質感更結實。
另外，此產品不含芫茜，反茜嘅朋友終於有機會食到點心牛肉球喇！酒樓版本，十居其九有芫茜，所以呢個走茜版本不妨可以試下。假如你係茜迷，配埋「茜急」即刻食到腦細推介嘅完美版本，諗起就堅係開心到升仙喇！
成份：牛肉、腐皮、水、生粉、沙葛、鹽、糖、牛骨粉、果皮、蘇打粉、鹼水、檸檬葉、增味劑、香料
【食用方法】*無須解凍*
微波爐：先除去包裝，把牛肉球放到適當容器，加室溫開水蓋過牛肉球，以900W加熱3分半鐘至4分鐘，或至充份熱。
蒸：先除去包裝，待水滾後，以中高火蒸約15分鐘，或至充份熱。
泡浸：水滾後，連包裝以中細火泡浸３分鐘；然後熄火，再浸5至8分鐘以至充分熱便可
食用日期: 約3個月
儲存需知：必需放至冷藏格 (-18度)
重量︰220克
產地：香港
Best Before : 15/10/2022
* 注意 : 冷凍產品系列不適用於「智能櫃或自提點」服務，請於選擇運送方式時選「直送」。
唔好意思！手足，呢樣產品暫時無貨，不如睇下其他先