「國以民為本,民以食為天。」

「道理大家都明㗎啦,不如俾多啲掙扎,叫『不為五斗米折腰』啦就!」 2020 年某日中午,一班友人正於某頗受街坊歡迎之燒味舖大快朵頤,慶祝 朋友得以保釋。席間有人忽然問起:到底有啲乜嘢係香港人無分族裔、不論信仰,就算身處異地他鄉都會渴求嘅呢?到底有啲乜嘢係可以令香港人真正心安嘅呢?

當其時大家爭論不休,卻苦無答案。香港人民族來源複雜,可謂「不是東西」。就算有共同訴求,亦往往流於口號,更遑論絕非一時三刻可以得償所願。百思不得其解之下,一位友人發負氣話「一係米囉,唔通成世人唔食飯咩!」

自此時起,創辦一個「可以長久自立且能夠建構社群之優質米業」這個念頭便一發不可收拾。由親口試食甚至親身考察,到構思品牌以至設計包裝等,一班大學生腳踏實地,逐漸將當日之奇思妙想付諸實行,並向踐行對社會之承諾此一目標進發。