【專訪——Girl World】

【專訪——Girl World】

15歲就投身社會嘅90後MoniQue以代理起家,憑藉住堅定嘅信念同明確嘅目標,推使佢創立自己嘅品牌之餘,仲更上一層樓,發展埋公司嘅規模。短短3年時間,由平平無奇嘅年輕少女,搖身一變成為一名企業家。
-

MoniQue直言,佢係由代理商做起,即係藉由廠商「攞貨」後售出,賺錢之餘順便收集客源,紮實根基。

成立公司3年多,遇到過嘅難題,可謂困難重重。對於突然轉做自家品牌,一啲已有客源未必願望嘗試或接受新事物,而且畢竟MoniQue年資較淺,經驗唔多就創立品牌,難免會遭受質疑。因此,佢更加必須「用產品說話」,佢就形容一切都非常有技巧,亦都花費咗唔少功夫同心血去建立信任。

其次,喺實際經營嘅時候,作為新手嘅佢面對住新嘅知識點又不停撞板,例如:報告、認證註冊商標等一系列嘅事情,全部都需要由佢自己慢慢摸索,由零開始,邊學邊做。

總括而言,MoniQue表示創業必須要肯學肯做,同時需要行動力、自律同決心。
-

回到每逢專訪都不得不提嘅一點:資金問題,MoniQue再次強調,點解要有明確嘅目標先去實行呢?正因為當資金有限時,對該行業有充分了解後,先可以預算到起步資金,亦都唔至於因為了解不足而導致損失。正如佢當初只用4位數嘅資金開始做起,代理期間韜光養晦,累積經驗同客源,等賺至一定嘅創業基金時,先創立品牌。

被問到產品嘅獨特之處,MoniQue就自豪地提到佢哋所有嘅自家產品都堅持以純天然成分製成,不論年齡、懷孕同素食嘅人士都可以安心服用。除此之外,佢更為一啲內服產品承擔咗個巨額責任險,亦會為產品送檢驗,獲得各項認證報告,並且持續定期更新,從而保障用家安全。當然,佢自己都有服用自家產品,先可以做到企喺用家嘅立場上體驗同作岀評價。

關於創業心得,MoniQue就分享,當初創業前已經有明確嘅方向,同埋亦好清楚該項事業嘅運作。另外佢提醒,切記唔好三心兩意、人云亦云,永遠只趕隨潮流或者凡事只睇表面,例如:睇落賺錢、其他人做得幾好嘅事業等。正因如此,MoniQue嘅事業先可以迅速嘅上咗軌道。
-

最後,MoniQue就想勉勵想創業嘅人,因為時常見到佢哋自我否定,又會因為各種理由而拖延,就算已經踏出第一步都會因挫折而放棄。故而佢就認為唔需要妄自菲薄,亦唔好在意他人目光。只要唔岀於比較心態,忠於自己,就會有進步,從而一日比一日好。

「自信、自律、堅持」係佢給予創業人士嘅忠告。

Girl World - 支持傳送門

translation missing: zh-TW.blogs.article.tags: Girl World