【專訪——茶一茶】

【專訪——茶一茶】

創辦人Karen本身非常注重養生,亦都留意到香港人嘅飲食潮流同文化頗不健康,譬如高糖份嘅手搖飲品等,因此希望推出無添加、無糖以及有不同功效嘅花茶款式,供客人重拾健康嘅體魄。另外,「茶一茶」呢個名十分易記,寓意仼何年齡嘅受眾都適合佢哋嘅產品,同時亦寄望大眾可以透過飲茶聯繫感情。
-

香港嘅飲茶文化歷史悠久,市場上一直存在住大大小小嘅茶系品牌,競爭頗大。雖則如此,作為一個小眾品牌,「茶一茶」絕對係不容小覷,佢哋嘅皇牌產品『波波茶』係市面上首款含豐胸效果嘅花茶,喺網上好評如潮,大受客人歡迎。

貪靚係每個女仔嘅終身事業,除咗豐胸,『波波茶』嘅功效又點止咁少,佢仲幫助保持胸部健康,舒緩經痛同其他經期嘅不適(頭暈、手腳冰冷),更重要嘅係有助調理身體,改善月經流量問題。

另外,男士亦有合適嘅花茶產品,另一款皇牌產品「強腎活氣茶」,強化肝腎功能,改善脫髮問題,採用加拿大西洋蔘,真材實料,男女皆可飲用。
-

疫下創業,生計問題係唔少創業者頭痛嘅一項,Karen都唔例外,由於客人嘅產品體驗需時,代表生意嘅成本需要持續接單先合乎效益,創業僅一年多嘅佢,雖然擁有一班固定嘅客人,但經歷過冇錢交租同疫情高峰期導致生意額大跌,當中嘅沮喪就令佢有諗過放棄。不過,生意就好比一艘船,航行路上經歷過高低起伏,大風大浪,先會逐漸成長,繼而獨當一面。
-

作為一名創業者,Karen同意香港嘅營商環境同資源不足以支持創業人士,例如支援度方面,政府「消費券計劃」缺乏主動性同考慮,少有顧及一啲小眾品牌或創業者。佢指出,無論係卡機定「消費券」嘅商戶申請都需要時間和審核,並非一時三刻能夠完成,因此變相根本趕唔切參與計劃。加上,佢哋需要唔同嘅市集或者機會去展示產品,但政府就甚少主動提供場地同資訊予商戶,令產品缺乏宣傳,甚至突圍而出嘅機會。
-

最後,Karen想向幫襯佢、為佢打氣嘅客人表達感激,佢話因為佢經常會收到客人貼心留嘅好評同回圖,令佢感覺備受支持,亦都非常高興,所以有動力繼續做落去。

茶一茶 Cha one Cha - 支持傳送門

translation missing: zh-TW.blogs.article.tags: 茶一茶 Cha one Cha