【專訪——三一餃子】

【專訪——三一餃子】

「三一餃子」嘅兩位80後創辦人Leslie同 Sean ,本身從事金融行業,擁有穩定收入嘅佢哋當初就因為睇咗套叫『激戰』嘅電影,於是激起佢哋嘅創業夢。

雖說打工同創業,各有千秋,但佢哋不甘平庸,不願就咁枉度一生;更重要嘅係,佢哋希望做啲令香港人記得曾經有咁樣兩條傻佬嘅事,所以決定拍檔出嚟闖天下,成立「三一餃子」。
-

「三一餃子」嘅產品特別之處,除咗以『香港製造』為根基,口味亦非常獨特,絕對唔會喺其他牌子搵到相同口味嘅餃子;至於製作過程,前期會採用新鮮食材,後期係用機器包餃子,以致人力資源成本降低,並轉移至購買更優質嘅食材上。

另外,不得不提嘅係,創業初期,佢哋因為缺乏資金而衍生岀唔同問題,導致營運困難,更一度試過連招牌都冇錢整。不過,幸得佢哋嘅營運逐漸成熟,至今已經能夠穩定提供高品質嘅產品俾顧客。
-

被問到對本土品牌嘅發展有咩睇法,創辦人認為香港作為國際金融中心,雖然有中西合璧嘅文化底蘊,但卻漸漸失去本土特色,所以希望藉「香港製造」嘅信念同價值,帶出香港精神至世界各地。

加上,佢認為打住香港品牌嘅旗號就係代表香港精神,稍為做錯一小部份都會令人覺得香港嘅嘢大打折扣。因此,如要背負香港品牌或者「香港製造」,帶出嚟嘅價值一定要對得住『香港』呢兩個字。

的確,本土貨嘅價錢可能唔係最吸引,但其實好多消費者都唔介意價錢,反而注重產品本身嘅價值同質素,希望大家可以繼續支持「香港製造」。
-

最後,創辦人希望各位同路人,可以用另一個渠道支持翻香港人,如果連香港出產嘅嘢唔支持,就會漸漸失去屬於香港人嘅回憶同味道。

支持佢嘅傳送門:
https://shop4freedomhk.com/collections/%E4%B8%89%E4%B8%80%E9%A4%83%E5%AD%90-trinity-dumpling